Nafarroako Eskolartekoa 2020-11-02

Ekhiñe Zapiainek irabazi du Nafarroako Bertsolari Txapelketa

Berko Ekhiñe Zapiainek jantzi zuen txapela eta berarekin baera Euskal Herriko Txapelketarako txartela lortu zuen Iruñeko Bittori Elizalde bigarren sailkatuak. Beraiekin batera kantuan izan ziren Ainhoa Arrizabalaga (Iruñea), Amaia Lasheras (Barañain), Beñat Astiz (Barañain), Eki Mateorena (Leitza) eta Etxahun Azkarraga (Etxalar). 

Maider Ansa aritu zen gai jartzaile eta Izaro Mitxelena, Joseba Beltza eta Nerea Bruño aritu ziren epaile lanetan.

Txapeldunari, bertsolari beratarrari, Julio Soto Nafarroako txapeldunak jantzi zion txapela. Beste sari bat ere izan zen, bertso onenarena. Kasu honetan, Ekhiñe Zapiainek berak irabazi zuen sari hori, zortziko handiko ofizioko bigarren bertsoagatik. Alaitz Rekondo Nafarroako Bertsozale Elkarteko lehendakariak eman zion.