Xabat Illarregi IX. Izeta Sariketako txapeldun

70 lagun ingururen aurrean jokatu zen finala, Ander Aranburu gai-jartzaile zela. Hiru epaile aritu ziren bertsolarien lana epaitzen: Amaia Telletxea, Joseba Beltza eta Saioa Mitxelena. Horiek emandako puntuak goizeko kanporaketetan bildutako emaitzari batuta atera da azken emaitza, eta hala izendatu dute Xabat Illarregi sariketako txapeldun (337,5 puntu). Bigarren izan da Sarai Robles (329,5), eta ondoren sailkatu dira Irati Majuelo (323), Ekhiñe Zapiain (321), Ekain Alegre (291,5) eta Ainara Ieregi (289). Finaleko bertso onenaren saria, berriz, Irati Majuelorentzat izan da, puntu erantzunetan botatako bigarren bertsoagatik.