Toki aldaketa 2021-02-05

Amasa-Villabonan egingo da gai-jartzaileentzako ikastaroa

Ez da kasualitatea saioetan aritzeko formazio saioa da bihar gai-jartzaileei eskainiko zaiena. 10:00etatik aurrera izango da, eta Amaia Agirrek gidatuko du: emanaldi mota honen berezitasunak azaldu eta galderak argitzen ahaleginduko da. Aurrez aurre jarraitzeko lekua mugatua izanik, online jarraitzeko aukera ere eman zaie izena eman dutenei.

Azpeitiko Dinamoa sormen gunean zen egitekoa baina osasun egoera tarteko herrian hartu diren neurriek ezinezkoa egiten dute Dinamoan ezer antolatzea; horregatik, aldatu da lekuz ikastaldia eta egingo da Bertsozale Elkartearen egoitzan, Amasa-Villabonako Subijana etxean.