Bertso Eguna 2021-02-08

Bertso Eguna Internetez jarraitzeko aukera

5 eta 3 euroren truke eskura daitezke Bertso Eguna zuzenean Internetez ikusteko sarrerak. Larunbatean izango da bertso saioa 18:00etatik aurrera Iruñeko Gayarre Antzokian, eta aretorako sarrerak amaituak egonda, saioa Internetez jarraitzeko aukera geratzen zaio zaleari: horretarako sarrerak www.bertsosarrerak.eus atarian daude.

Julio Soto, Miren Amuriza, Onintza Enbeita eta Xabier Silveira bertsolariak eta Ainhoa Larretxea gai-jartzailea elkartuko dira 2021eko lehen Bertso Egunean. Gainera, Eneko Lazkoz eta Oihane Perea bertsolariek ere hartuko dute parte emanaldian.

Informazio gehiago, www.bertsozale.eus atarian.

Altzoko saioko gonbidapenak ere amaituta

Bestalde, Eskolatik Plazara ekimeneko hirugarren eta azken saioa izango da ostiralean Altzon. Gonbidapenak amaitu direla iragarri berri du Bertsozale Elkarteak. Aner Peritz, Haira Aizpurua, Irantzu Idoate, Maialen Lujanbio eta Nerea Ibarzabal ariko dira bertsotan Altzoko kultur etxean, 18:00etatik aurrera.