Zapla egitasmoa 2021-04-27

"Nafarroako bertso plaza biziberritzeko eta martxan jartzeko asmoz"

Aurreko asteburuan jarri zen martxan Zapla! ekimena. Guztira 7 saio ezberdin izango dira eta 30 bertsolarik hartuko dute parte. Ander Perez Nafarroako Bertsozale Elkarteko kidearekin izan gara.

Zazpi saioetatik bi osatu dira dagoeneko, Lizarran eta Beran pasa den asteburuan izandakoak, hain zuzen ere. Era ezberdinetako saioak izango dira eta sarrerak bertsosarrerak.eus atarian eskuragai ditu bertaratzeko inetresa duenak.

Hurrengo saioak Irurtzunen, Zizur Nagusian, Antsoainen, Agoitzen eta Arantzan izanen dira hurrenez hurren. Bertsoa.eus atarian egitasmo berri honen jarraipena egiten ari gara.

Bertso plaza sustatu nahian

Bertso plaza hain baldintzatua eta murriztua izan den urte honetan, txapelketak utzi duten zuloa baliatu nahi izan dute bertso plaza aktibatu eta babesteko. Zapla! egitasmo berri honek hiru helburu hauek dituela adierazi dute antolatzaileek:

  • Pandemiak bertso plaza ia desagerrarazi duen honetan, eta Nafarroako Bertsolari Txapelketa atzeratuta, nafar bertsolari eta gai-jartzaileei plazak eskaintzea.
  • Kultura, eta bertsolaritza, segurua dela eta erantzukizunez antolatu daitekeela erakustea; eredu ematea.
  • Txapelketak exijitzen duen saio/egitura zurrunetik harago, bestelako saio mota, gai, ariketa moldeekin esperimentatzeko aukera baliatzea.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?