Bertso planak 2021-06-16

Asteburu bete bertso

Besteak beste, Algortan Balkoitik Balkoira bertso egingo dute, "Azken Bidaia" heriotzari buruzko bertso saioa Donostian edota "Orainmenean" saioa Amasan. Horrez gain, Nafarroako Bertsolari txapelketa, Eskolartekoa, "Zapla" eta askoz gehiago.

Ostiral iluntzean, Algortan Balkoitik Balkoira bertso saioaz gozatzeko aukera izango da. ALBEk antolatzen duen bertso saio historikoa Portu Zaharrak ezin eta Zabala eskolak hartuko du aurten. 20.00etatik aurrera kantuan arituko dira Oihana Iguaran eta Jone Uria bertsolariak.

Larunbatean, Donostiako San Telmo museoan, Plaza Biziberritzen egitasmoaren baitako hurrengo "Bidaiak" saioa izanen da. Oraingoan heriotza izango dute gai nagusi. Bertsotan arituko dira Andoni Egaña, Julio Soto, Maialen Lujanbio eta Miren Amuriza arituko dira eta gonbidatu bereziren bat ere izanen da. Sarrerak agortuta daude.

Larunbatean arratsaldeko 19.00tatik aurrera, "Orainmenean: Bertsolaritzaren genealogia feministak" saioa eskainiko dute Oihana Arana, Oihana Iguaran eta Eli Pagola bertsolariek, gaiak Amaia Agirrek jarriko dizkien bitartean.

Horrez gain, bertsoaz gozatzeko beste aukera eder asko izango dira asteburuan zehar. Eman begirada bat datozen egunetako bertso agendari.