Eskolarteko txapelketa 2021-06-26

Haira Aizpuruak jantzi du txapela

Senpereko Larraldea baserrian izan da finala eta kanporaketetatik 6 bertsolari hauek sailkatu dira finalerako: Oneka Arteaga Olasagasti, Haira Aizpurua Ibargarai, Aetz Etxart Sarasola, Laida Etxeberri Pacheco, Oihan Perez Harispe, eta Haize Blanco Lekuona.

Gaiak, Xan Alkhatek jarri zituen, eta epaile lanak Joakin Arregi Goenaga, Zuhaitz Olazabal Susperregi eta Iban Thicoïpek egin zituzten.

Saioari amaiera emanez, urte luzez Bertsularien Lagunak elkarteko kide eta "Lapurdi 1609" elkartearen ordezkaria den Mixel Mendiburuk jantzi zion txapela Hairari.

Udazkenean jokatuko da probintzia bakoitzetik bi ordezkari izango dituen Euskal Herriko finala. Laster xehetasun gehiago emango ditu Bertsozale Elkarteak.