I. Argi Baltza sariketa 2021-06-29

Mikel Retolaza txapeldun

Argazkia | Lilibertso

Igandean jokatu zen sariketako finala, Bermeoko Artza frontoian, eta "Mikelo"-rekin batera Asier Galarza "Muxi" izan zen buruzburukora sailkatu zen bertsolaria.

Jon Lopategi "Baltza" zenaren omenez aurten aurreneko aldiz antolatu duten sariketa da. Guztira, 3 kanporaketa eta finala jokatu dira eta finalean kantatu duen seikotea honako hau izan da: Asier Galarza, Imanol Uria, Txaber Altube, Asier Alcedo, Mikel Retolaza eta Iruri Altzerreka.

Azkenean, Mikel Retolazak eskuratu zuen garaipena eta Jabier Arriaga "Txiplas"-ek jantzi zion txapela.

Balorazio positiboa egin dute antolatzaileek, Gernikako Lilibertso bertso eskolak hain zuzen ere, eta hurrengo urtera begira sariketarekin jarraitzeko asmoa erakusti dute.

Finaleko argazki eta informazio gehiago Lilibertso-ren sare sozialetan aurkituko duzue.