Udazkenean 2021-06-29

Badakigu nortzuk ariko diren Euskal Herriko Eskolartekoan

Lapurdi, Baxenebarre eta Zuberoako Eskolarteko Txapelketa egin berri da asteburuan; honenbestez, lurralde guztietan egin da bertsolari gazteen txapelketa, eta jada badakigu nortzuek hartuko duten parte Euskal Herriko Eskolarteko saioan.

Maddi Agirre eta Eukene De Los Aires sailkatu dira Arabatik; Ekain Tolaretxipi eta Naia Arrizabalaga Gipuzkoatik; Janire Arrizabalaga eta June Diaz dira Bizkaiko txapeldun eta txapeldunorde; Beñat Astiz eta Eki Mateorena Nafarroakoak; eta, azkenik, Haira Aizpurua, Oneka Arteaga eta Aetz Etxart sailkatu dira Lapurdi, Baxenabarre eta Zuberoako txapelketatik Euskal Herriko Eskolarteko saioan aritzeko.

Udazkenean izango da bertsolari gazteok elkartuko dituen saioa; Ikastolen Elkarteak eta Bertsozale Elkarteak udako oporren ondotik zehaztuko dute hitzordua.