Bizkaiko Bertsolari Txapelketa 2021-10-26

Elorrioko Arriola antzokian, bostgarrena

Ondoko sei bertsolariek kantatuko dute Arriola antzokian arratsaldeko 17.00etatik aurrera: Aitor Arrutia Azkueta, Igor Galarza Intxausti, Imanol Arrutia Azkueta, Imanol Uria Albizuri, Iñaki Iturriotz Zuluaga eta Peru de Pedro Larrea.gai-jartzaile lanetan Idoia Anzorandia Kareaga arituko da.

Saioaren irabazlea zuzenean sailkatuko da finalaurrekoetara eta, besteek, puntuazioaren arabera edukiko dute horretarako aukera. Izan ere, fase honetatik 6 irabazleez gain 4 bertsolarik egingo dute aurrera puntuazioz, 36 bertsolarien artean 10 txartel banatuko dira guztira beraz. Finalerdietan sartuko dira aurreko txapelketako finalistak ere.

Eskuratu sarrerak

Bizkaiko Bertsolari Txapelketa eta gainontzeko txapelketako sarrerak www.bertsosarrerak.eus gunean daude eskuragarri.

6. Kanporaketa

Kanporaketen fasea itxiko duen saioa, azaroaren 7an, bi igande barru jokatuko da Getxon, Algortako Muxikebarri zentroan.

Kantuan izango dira:
Enare Muniategi Etxabe, Eneko Aldana Carrasco, Josune Aramendi Perez, Koldo Muñiz Aldamiz-Etxebarri, Malen Amenabar Larrañaga eta Unai Mendiburu Valor.