12:30etan izan da saioa 2009-08-12

Easo plaza bete egin da gaurko saioan

 Eguerdiko eguzki beroak bete betean jo arren, Donostiako Easo plaza bete egin da gaurko bertso-saioa entzuteko. 12:30etan puntuan hasi da saioa, eta honako bertsolari hauek kantatu dute:

 Manex Mujika
 Onintza Enbeita
 Unai Iturriaga
 Aitor Mendiluze

 Karlos Aizpurua aritu da gai-jartzaile lanetan. Aste Nagusiko programako ekintzak hartu ditu abiapuntu moduan. Hala, bertsolariek kanoikadari kantatu diote, eta baita piraten abordaiari, zezenketari edo pilotako ikastaroari ere. Txapelketa Nagusiari buruz ere kantatu dute.

 Etzi izango da aurtengo azkeneko saioa Aste Nagusian. Honako bertsolari hauek kantatuko dute:

 Igor Elortza
 Maialen Lujanbio
 Amaia Agirre
 Iker Alustiza

 Naroa Sasieta ariko da gai-jartzaile lanetan.

• 
•