XILABA 2021 2021-11-09

Bertsolarien hitzak finalaren atarian

Donibane Lohizuneko Kanpos Berri Jai Alain jokatuko da XILABAko finala, larunbat honetan azaroaren 13an, 17:00etan.

Hau da finalera sailkatu den seikotea: Amets Arzallus Antia, Odei Barroso Gomila, Maddalen Arzallus Antia, Miren Artetxe Sarasola, Maddi Ane Txoperena Iribarren eta Patxi Iriart Hiribarren. Aurkezle lanetan, Aritz Bidegain eta Amaia Castorene arituko dira.

Aurten, bertsularitza eta oro har, euskal kultura itzaleko lanetik hainbeste lagundu duen Andoni Iturriozek jantziko dio txapela txapeldunari.

Sarrerak salgai

Sarrerak www.bertsosarrerak.eus atarian eskuratu daitezke. Baita Senpereko Larraldea baserrian, Baionako Elkar dendan, Hazparneko Xuriatean, Donibane Garazin Irulegiko Irratian, Pausuko Xaia ostatuan eta Itsasuko Herriko etxean ere.