Zuzeneko emakizuna 2021-11-25

Nafarroako Txapelketako finala zuzenean

Nafarroako Txapelketako finala zuzenean
Bertsoa.eus atarian zuzenean eskainiko dugu 2021eko Nafarroako Bertsolari Txapelketako finala, EiTB eta Bertsozale elkartearen arteko elkarlanari esker. Hemen bertan jarraitu ahalko da zuzenekoa igandean 17.00etatik aurrera.

Bertsoa.eus atarian, Iruñetik zuzen-zuzenean emitituko da emankizuna. Ilaski Serranok aurkeztuko du eta Irati Majuelo bertsolaria izango du ondoan, iritzi-emaile lanetan. Euskal Telebistak ere saioa osorik eskainiko du haren laugarren katean, ETB4n, eta www.eitb.eus atarian.

ETB1ek, gainera, zuzeneko konexioa egingo du 21:00etan azken bertsoaldiak eta saioa bukatu ondorengo txapeldunaren hitzak eskainiz. Gainera, igandean bertan, 23.30ak aldera, ‘Baserria’ saioa amaitzen denean, buruz buruko osoa ikusi ahal izango da.

Finaleko bertsoaldi onenekin eta Txapeldunari eginiko elkarrizketarekin osatutako Hitzetik Hortzera, abenduaren 5ean eskainiko dugu, ETB1en arratsaldeko 15.00etan.

Finala

Heldu den igandean, azaroaren 28an, egingo da aurengo Nafarroako Bertsolari Txapelketako finala, Iruñeko Anaitasuna Kiroldegian. Saioa arratsaldeko 17.00tan hasiko da. Zortzi bertsolari iritsi dira azken geltokira: Eneko Fernandez Maritxalar, Eneko Lazkoz Martinez, Joanes Illarregi Marzol, Josu Sanjurjo Altzuri, Julio Soto Ezkurdia, Saioa Alkaiza Guallar, Xabat Illarregi Marzol eta Xabier Silveira Etxeberria

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan