ALBETI BAT EGUNA, lehenengoz 2022-02-17

ALBE eguna opatuko dute larunbatean

Algortako Bertsolari Eskolak aurten lehenengoz ALBETI BAT EGUNA ospatuko du larunbatean, otsailaren 19an, neguko ALBEguna, zelanbait. Otordu baten inguruan ardaztuko da ekitaldia. Bazkalaurretik bertso poteoa egitea da asmoa, eta bazkalostean ALBEko bertsolarien arteko bertso jolasak, bertso ariketa bereziak, bertso paperak, bertso sorpresak… Azebarri Elkartean, 14:30etan.

Uribe Kostako Bertsolari Txapelketa
ALBETI BAT EGUNAREN ondoren berriz, Uribe Kostako Bertsolari Txapelketa etorriko da eskualdean. Pandemiak behartutako etenaren ondotik martxoaren 4an itzuliko da ekimena. 2000. urtean hasi zen ALBE eskualdeko txapelketa hau antolatzen, 60 urte lehenago egiten zenari jarraipena emanez. Aurtengo edizioan, 25 bertsolarik hartuko dute parte. 6 kanporaketa, hiru final erdi eta finala izango dira. Finalerdiak eta finala apirilaren 2an izango dira. Tabernetan finalerdiak, Azebarrin finala.

Ikusi hemen ALBEK maiatza bitartean antolatutako ekitaldiak