Enbata Gaztetxean, 17:00etan 2022-05-13

Bihar hasiko da II. Señora Sariketa Hendaian

Bihar hasiko da II. Señora Sariketa Hendaian

II. Señora Sariketako lehen kanporaketa jokatuko da bihar, larunbata, Hendaiako Enbata gaztetxean, 17:00etan. Sei bertsolari hauek ariko dira kantuan:

Josune Aramendi Perez
Amaia Iturrioz Etxaniz
Irati Alcantarilla Urdanpilleta
Aner Euzkitze
Paule Loizaga Legarra
Ekhiñe Zapiain Arlegi

Gai-jartzen, Ainhoa Larretxea izango da.

Parte hartzeari dagokionez, aurten aldaketa kualitatibo bat ere bada, Oñatiko bertsolariak azaldu digunez: "Emakumeen arteko saretzea aipatzen dugunean badirudi halako emakumetasun esentzial bat ari garela aldarrikatzen. Aurten autokritika hori egin genuen eta aurrerantzean Señora ertzeko genero identitate guztientzat zabalik egongo da" adierazi dio Maider Arregi antolakuntza kideak Bertsoari.

Umore tonua
Señoraren helburua saretzea izaki, umorea eta lagunarte giroa gailentzen zaio lehiari, Arregiren hitzetan. Eta ez hori bakarrik: "Ohiko txapelketetan pisu handia hartzen duten gaiak, generoa, homosexualitatea... umorez kantatzen dira Señora Sariketan".

Ohorezko bi gonbidatu finalean
Iaz hasitako bideari jarraiki, aurten ere finalean ohorezko bi bertsolari gonbidatu izango dira Leitzan bertsotan. Amaia Agirre eta Onintza Enbeita izan ziren iaz eta aurtengoak nortzuk diren final aurrean iragarriko dituzte. Pertsona horiek egindako ibilbidearen aitortza egitea da helburua.


Bigarren kanporaketa, Laudion

Bigarren kanporaketa Laudion jokatuko da maiatzaren 21ean, Aiaraldeko faktorian, 18:00etan hasita, eta kantari:
Leire Vargas Nieto
Irati Anda Villanueva
Andere Arriolabengoa Lopez
Ane Beloki Lopez
Ane Labaka Maioz
Sarai Robles Vitas

Gai-jartzen, Amaia Agirre Arrastoa.

Finala, Leitzan da ekainaren 4an.

Sarrerak, www.bertsosarrerak.eus gunean daude eskuragarri eta bertan ere izango dira.

Albiste gehiago

Larunbatean jokatu zen 2022-05-16

Ane Labaka irabazle Aixita Sariketan Irurtzunen

Manuel Olaizola Uztapide - Kultur transmisioa 2022-05-12

Uztapide gazteengana hurbiltzen

'Despique' moldeko doinua 2022-05-11

Madeirako doinu batean kopletan egin nahi?

Bertsolaritza eta Charamba 2022-05-11

Elkarlan berri baten oinarriak, Madeiran

Joserra Bilbao - Santutxuko Bertso Eskola 2022-05-10

"Gure helburua da Udaberriko zikloa kopuruz handitu eta auzoetara zabaltzea"