Arabako Bertsolari Txapelketa - final laurdenak 2022-05-13

Arabako finalaurreak erabakita geldituko dira bihar, Aramaion

Arabako Bertsolari Txapelketako azken final laurdena jokatuko da bihar Aramaion. Sei bertsolari hauek ariko dira oholtzan, finalaurrerako txartel bila:

    Andere Arriolabengoa Bengoa (Aramaio)
    Asier Rubio Hidalgo (Luiaondo)
    Felipe Zelaieta Txurruka (Mallabia)
    Manuel Bendala Garcia-Donas (Sevilla-Sarria)
    Oihane Perea Perez de Mendiola (Zalduondo)
    Unai Anda Delika (Ametzaga)

Gai emailea Aintzane Irazusta Arzallus izango da.

Aurreko asteburuan jokatu ziren beste bi final laurdenak eta Asier Otamendi eta Manex Agirrek eskuratu zituzten finalaurreetarako lehen bi txartelak.

Finalaurreak Araian eta Izarran jokatuko dira maiatzaren 28 eta 29an. Finala, ekainaren 11an Gasteizen.