Erniarraitz Sariketa 2008-02-25

Unai Gaztelumendi lehenbizi Errezilen

Ostiralean Errezilgo Borondegin jokatu zen IV. Erniarraitz sariketako hirugarren eta azken kanporaketa. Saio orekatua izan zen eta bertsoaldi bikainak entzun ziren. 150 lagun sartu ziren aretoan, eta lepo bete zen.

Unai Gaztelumendi añorgarrak egin zuen aurrena, (201,5 puntu); bigarren, berriz, Aritz Garin(192,5 puntu); Eneritz Artzallus (192) errezildarra hirugarren, eta Nekane Zinkunegi (186,5) herrikideak jarraitu zion sailkapenean; bosgarren Beñat Iguaran amasarra (186) izan eta seigarren Maddi Gallastegi (172,5) zumaiarra.

Beraz eta hiru kanporaketa jokatuta hona finalek seikotea: Alaia Martin (Oiartzun), Unai Gaztelumendi (Añorga) , Hodei Iruretagoiena (Zarautz) , Maialen Velarde (Zumaia), Aitor Urbieta (Zarautz) eta Arnaitz Lasarte (Hernani)

Finala otsailaren 29an da, Azpeitiko Gaztetxean, 22:00etan. Bertsoa.com-ek zuzenean botako du saioa