Eneritz Artetxe - Bertsozale Elkartea 2023-01-24

«Bertso Egunak bertso munduko jende ezberdina elkartzeko duen funtzioa indartu nahi izan dugu aurten»

2023/bertsoa_elkarrizketak/20230123eneritzartetxe_bertsoeguna.mp3.mp4
Bertso poteoa izango da goizean, 5 bertso bazkari gero eta afalondoko ekitaldia azkenik, bertso jarri zein bat-batekoekin.

Bertso munduaren elkargune izaera indartzeko helburuak markatu du 2023ko Bertso Eguna. Datorren larunbatean izango da Azpeitian eta egun osoko bertso eskaintza anitza izango du. Ibiltari izaera hartu zuenetik bosgarrena da Azpeitikoa, Izpurari lekukoa hartuta, eta 2019tik pandemia ondoren murrizketarik gabe egingo den lehena.

Eneritz Artetxe Gipuzkoako Bertsozale Elkarteko eragilea da antolaketa taldeko kideetako bat eta berak aletu ditu Bertsoa.eus-en aurtengo helburu eta bertso eskaintzaren berri.

Bertso munduaren elkargune izaera indartzeko helburuz dator goizeko bertso poteoa, bost bertso bazkari formatu ezberdinetakoak eta afalondoko saioa bat-bateko zein bertso jarriekin. Azken urteetako Bertso Egunetik arratsaldeko jaialdirik ez da izango Azpeitian, eta Donostiako garaitik lehen aldiz afaria eta afalondoko saioa izango ditu, urte askotako tradizioa berreskuratuta.

Jendea festarako gogoz ikusten du Artetxek eta adierazi du Azpeitian zein eskualdean ere harrera beroa izan duela. Bertso munduari gonbidapena luzatu dio Azpeitiko hitzordura biltzeko, «egun eder bat izango delako».

Sarrerak www.bertsosarrerak.eus-en
Bertso Eguneko bertso bazkarietatako zein afarirako sarrerak salgai daude bertsosarrerak.eus gunean.

Albiste gehiago

Aitor Bizkarra Ruiz - Bertsolari Bertsozale Podkasta 2023-02-03

«Oso zalea naiz mahai-inguruan kantatzearena»

Bertso Eguna - Libreko bertso bakaria 2023-02-02

Unai Iturriaga eta Jexux Mari Irazu librean Bertso Egunean

Bertso Eguna - Libreko bertso bakaria 2023-02-02

Jone Uria eta Sustrai Colina, denboraren tunelean