Lau saio jokatu ziren asteburuan 2023-02-01

Giro ederrean hasi da Arabako Kuadrilla artekoa

Bat-batean zein idatzizko formatuetan, giro ederrean hasi da Arabako Kuadrilla artekoa. Asteburuan lau saio jokatu ziren Gasteiz, Laudio eta Oionen.  Gasteizen, Armentia ikastolan, Bertxilika taldea (Gasteiz) eta Egurrak eta ezpalak (Lautada) aritu ziren nor baino nor, eta Gasteizko Bertxilika taldeak eraman zuen puntua.



Arabako hiriburuan beste saio bat ere jokatu zen, Errexala Elkartean, Errexala (Gasteiz) eta Beeeeertsolariak (Lautada) taldeen artean. Lautadakoek eraman zuten puntua.



Oionen, Errioxako Txandrio eta Gasteizko Muinoko katuak aritu ziren elkarrekin eta Gasteizera jauzi zen tantoa.



Azkenik, Laudion, Altubepekoak (Aiaraldea) eta Izena pentsau bida (Aramaio) taldeek itxi zuten asteburua. Aramaioarrak gailendu ziren.



Antolatzaileen kronika zehatzak hemen:

Asteburuan beste 4 saio
Gasteiz, Aramaio, Agurain eta Narbaizan jokatuko dira asteburu honetako saioak.