Alaia Martin Etxebeste - elkarrizketa 2023-03-14

Alaia Martinen elkarrizketa osoa audioan

2023/btn22finalistak_elkarrizketak/alaiamartin/xdz4_gra_oiartzun20230216_aubi_edit01_alaiamartin_elkarrizketaosoa.mp3.mp4

Alaia Martin Etxebeste (Oiartzun, 1987) Txapelketa Nagusiko liseriketa egiten ari da oraindik. «Nahiko gozoa» izango dela aurreikusten du, bere burua ezagututa, eta bestelako esperientzia batzuk ere bizi izanda.

Finalera bitarteko fasea errazagoa egiten zaio irakurri eta ondorioak ateratzeko. Finala eta ondorena oraindik lanbroago sentitzen ditu, zurrunbiloaren dimentsioa eta intentsitatea ere oso desberdinak izaki. «Bilatzeko eta borrokatzeko jarrera hori izatea, etsipenaren eta autoexijentzia extremoaren kontra, hori da aterako dudan leziorik onena» aurreikusi du bertsolari oiartzuarrak.





Alaia Martinek bere lehenbiziko finalaren esperientzia xehe kontatu du Bertsoa.eus-n. Bezperako urduritasun handitik hasi eta finalaren egunean «hasi eta buka eusteko» jarrera horretaraino. Baita ere, buruz buruko izenak esan aurreko barne sentipenak, bere lanik gustukoenak, finalaren ekarria, autoritatearen banaketa, txapelketaren sokaren luzera bere baitan... eta beste hainbat kontu.



Txapelketaz ez ezik, plazaz ere galdetu dio Bertsoa.eus-ek Alaia Martini eta hamarkada luze batez plazako lehen lerroan ibili izanak erakutsiak dakartza. Plazaren irakurketa, indarguneak, indartzekoak, bera nola sentitzen den plaza horretan, bertsolari bizibidea alde laboral eta ekonomikotik eta zenbait alderdi.


Alaia Martinen elkarrizketa, Bertsoa.eus-ek finalistei egin dien jarraipenaren segidako lekukotza da, guztien irakurketa osoa jaso eta bertsozaleei helaraziz. Datorren astean Joanes Illarregiren lekukotza ekarriko dugu sareko plazara.


Albiste gehiago

Ilaski Serrano - kazetaria eta telebistako aurkezlea 2023-09-20

«Txapelketa Nagusikoa lan ahaztezinetako bat izango da»

Hitzetik Hortzera programarako jarriak 2023-09-20

«Presarenak» Joanes Ilarregiren bertso jarriak

Nerea Bruño - Nafarroako Bertsozale Elkarteko lehendakaria 2023-09-18

«Aurten ere ahalegin berezia egin da euskara Nafarroa osora zabaltzeko helburuan»

Ione Narbaiza - Bizkaiko Bertsozale Elkartea 2023-09-14

«Udazkeneko faseak 10 saio izango ditu eta sarrerak eskuragarri daude»

Leixuri Arrizabalaga - Bizkaiko Foru Aldundiko Kultura eta Euskara diputatua 2023-09-14

«Benetan garrantzitsua da gure-gurea den bertsolaritza plazaratzea»

Igor Elortza - Bertsozale Elkarteko Lehendakaritza taldeko kidea 2023-09-14

«Azpimarratzekoa da txapelketak bertso munduan duen garrantzia»