Unai Mendizabal - Tolosaldeko Harituz bertso eskolako kidea 2023-03-20

«Harituzen ekarpen garrantzitsuena Tolosaldean bertso eskolei emandako bultzada eta lortutako erreferentzialtasuna izan daiteke»

Asteburuan arrakasta handiz egin da Alkizan Tolosaldeko Harituz bertso eskolaren 10 urteurreneko ekitaldietako bat, bertso jarri musikatuena. Unai Mendizabal Harituzeko kideak eskualdeko bertso eskola honen sorrera, bidea eta ekarpena aletu dizkigu Bertsoa.eus-en. Lan talde baten bueltan baino, lagunarte baten bueltan sortu zen proiektua. Tolosaldeko ia udaletxe guztiekin du lankidetza hitzarmena eta 60 ume dabiltza Harituzek dinamizatutako bertso eskoletan, herri desberdinetan. Mendizabalek bertso eskolei emandako bultzada horrez gain, eskualdean irabazitako erreferentzialtasuna ere azpimarratu ditu.