Larunbatean jokatu zen Zaldibian, Osinberde elkartean 2023-03-27

Xabat Illarregi eta Unai Izagirre ere Osinaldeko finalera

Osinalde Sariketako bigarren kanporaketa jokatu zen larunbatean Zaldibian, Osinberde Saria. Bittor Altube (Abadiño), Maddi Aiestaran (Beasain), Iker Ormazabal (Hernani), Xabat Illarregi (Leitza), Ekhiñe Zapiain (Bera) eta Unai Izagirre (Azkoitia) aritu ziren kantuan. Xabat Illarregi nagusitu zen eta Unai Izagirre gelditu zen bigarren. Biak Osinaldeko finalerako txartela eskuratu dute.

Osinberdi Sariak harrera beroa izan zuen entzuleen aldetik ere, 70 lagun inguru bildu baitziren Osinberde elkartean.

Oihana Arana eta Lander Arizmendi, Argi Berritik
Lehenbiziko kanporaketa Ordizian jokatu zen, Argi Berri Saria. Oihana Arana nagusitu zen bertan eta Lander Arizmendik ere finalerak txartela eskuratu zuen, publikoaren sariarekin batera. Beraz, seitik finalistatik lau erabakita daude. Azken biak, hirugarren kanporaketan erabakiko dira.

Azken kaporaketa Aztirian larunbatean
Osinalde Sariketako azken kanoraketa datorren larunbatean jokatuko da, Aztiri Bat Sariarekin, Gabiriako Aztiria auzoan. Kantuan ondorengo sei bertsolari hauek:
    Aner Peritz (Zarautz, Gipuzkoa, 2002)
    Aroa Arrizubieta (Gasteiz, 2001)
    Irati Alcantarilla (Urruña, Lapurdi, 2001)
    Aitor Ugarte (Aramaio, Araba, 2002)
    Lurdes Ondaro (Munitibar, Bizkaia, 1997)
    Urko Arregi (Oñati, Gipuzkoa, 1999)

Finala Gabirian, apirilaren 15an
Kanporaketa bakoitzeko bi lehenbizikoak sailkatuko dira Gabiriako finalerako. Ohi bezala, Osinalde Elkartean jokatuko da, apirilaren 15ean, larunbatez.