Joan den astean hasi zen 2009-09-30

Hitzetik Hortzera ostegun eta larunbatetan izango da aurten

Hasi da Hitzetik Hortzeraren denboraldi berria. Aurtengoan bi nobedade nagusi izango dira. Alde batetik, ez da platoko aurkezpenik izango. Beste alde batetik, ETB1en ordua eta eguna aldatu dute: aurten larunbatetan emitituko da, eguerdiko 13etatik aurrera. ETB3 ostegunetan emango dute, gaueko 22etan.

 Aurten Felix Irazustabarrenak eta Amaia Uribek jarraituko dute programan. Erredakzio-talderako, berriz, Eneko Dorronsoro hartu dute. Jon Artanok jarraituko du zuzendari lanetan eta Izaskun Bernedok errealizatzaile lanetan.

 Denboraldiaren hasieran Txapelketa Nagusiak erakarriko du arretarik handiena. Kanporaketa guztiak grabatzeko asmoa daukate, eta saioez gain zaleen inpresioak bilduko dituzte, bertsolariei elkarrizketak egingo dizkiete eta oholtza atzean gertatzen dena erakutsiko dute.

 Programak ordubeteko iraupena izango du aurten ere. Iaz ez bezala, aurten ETB1eko errepikapenean ez dute denborarik murriztuko, eta ordubeteko programa izango da larunbatetan ere. Honako atal hauek izango ditu, besteak beste: elkarrizketa, erreportajea, zuri-beltzeko bertsoa, artxibo errepasoa eta bertso jarriak. Aurten, gainera, bertso surrealistak emango dituzte.

• 
•