Bertsolariak gaiekin aritu ziren kantuan 2009-10-06

150 lagun elkartu ziren Mutrikuko bertso-afarian

 Joan zen larunbatean bertso-afaria izan zen Mutrikun. Afaria kanpoan izan zen, eta bertsolariek behin eta berriro aipatu zuten egiten zuen hotza. Giroa beroa izan zen hala ere, 150 lagun elkartu baitziren afarira. Honako bertsolari hauek kantatu zuten:

 Beñat Gaztelumendi
 Iker Zubeldia
 Julio Soto

 Eneritz Azkuek jarritako gaiekin kantatu zuten hiru bertsolariek. Gai gehienak umorezkoak izan ziren, baina izan ziren serioagoak ere. Hala, poligono industrial bat eraikitzeko lurrak kentzen dizkioten baserritarraren paperetik kantatu zuen Beñatek. Juliok eta Beñatek berak krisiari kantatu zioten ondoren.

 Azkenean bertsolariak "gustura" zeuden egindako lanarekin.

• 
•