San Jeronimo auzoko bertso-afaria ere emango dute 2009-10-07

Zestoako kanporaketa eskainiko du aste honetan Hitzetik Hortzerak

 Aste honetako Hitzetik Hortzerak bi saio nagusi eskainiko ditu.

 Alde batetik, joan zen larunbatean Zestoan izan zen Euskal Herriko Txapelketako kanporaketaren laburpena emango dute. Honako bertsolari hauek kantatu zuten:

 1.- Jone Uria         661,5
 2.- Uxue Alberdi      660
 3.- Iñaki Gurrutxaga  642,5
 4.- Oihana Bartra     612
 5.- Miren Artetxe     583,5
 6.- Odei Barroso      574,5

 Oholtzan gertatu zenaz gain kamerinoetan eta kanpoan jazotakoaz ere ariko dira. Gainera, Jone Uria elkarrizketatuko dute erredakzioan.

 Bestalde, Mutrikuko San Jeronimo auzoan izan zen saioaren laburpena ere emango dute. Honako bertsolari hauek kantatu zuten bertan:

 Iker Zubeldia
 Julio Soto
 Beñat Gaztelumendi

 Azkeneko biak Zestoan izan ziren kanporaketa entzuten, eta horiekin hitz egingo dute programan.

 Aurten aldatu egin da Hitzetik Hortzeraren ordutegia.

 ETB3n bihar gauean eskainiko dute emanaldia, gaueko 22etan. ETB1en, berriz, larunbatean izango da, eguerdiko 13etan.

• 
•