Ligaxka faseko saioak 2023-09-26

Taldekako Xilabako saioak Saran eta Amenduzen

Taldekako Xilabako bi saio jokatuko dira ostiral eta larunbatean. Saran izango da lehenbiziko hitzordua ostiralean, Urtxolan: bertso eta pintxo, 19:00etan. Lizaieta eta Kakoiak taldeak arituko dira.

Larunbatean, Amenduzen, Eskukula eta Ez dok 5 taldeen txanda izango da, Eiheran, bertso afari formatuan, 19:00etan.

Aurreko astean hasi zen Taldekako Xilaba Ozazen eta Urruñan, jende aldetik harrera beroarekin. Hazparke eta Muttikoak taldeek irabazi zituzten saioak.