Goizeko 10etan izango da Baionako Euskal Museoan 2009-10-08

Txapelketa Nagusiaren aurkezpen prentsaurrekoa izango da gaur Baionan

 Euskal Herriko Bertsolari Txapelketa Nagusiaren aurkezpen prentsaurrekoa izango da gaur Baionan. Goizeko 10etan hasiko da aurkezpena, Baionako Euskal Museoan. Honako ordezkari hauek izango dira bertan: Jexux Arzallus (bertsularien Lagunak Elkarteko Lehendakaria), Jokin Castaños (Txapelketa Nagusiko arduraduna) eta Kutxako ordezkari bat.

 Aurtengo honetan bi saio jokatuko dira Ipar Euskal Herrian. Alde batetik, urriaren 17an final-laurden bat izango da Uztaritzen. Honako bertsolari hauek kantatuko dute bertan:

 Arkaitz Estiballes
 Erika Lagoma
 Unai Muñoa
 Beñat Gaztelumendi
 Aitor Sarriegi
 Xabi Paia

 Joana Itzainak jarriko ditu gaiak.

 Bigarren saioa azaroaren 15ean izango da, Hendaian. Finalaurreko saio bat izango da, eta Amets Arzallus, Jon Maia eta Jone Uria bertan izango dira. Gainerakoak puntuazioen arabera erabakiko dira.

 

(Argazkia Alberto Elosegik aterea da)

• 
•