Uztaritzen eta Zarautzen izango dira kanporaketak 2009-10-13

Astebururako sarrerak salgai daude

 Asteburu honetan bi kanporaketa jokatuko dira Euskal Herriko Bertsolari Txapelketa Nagusian. Larunbatean Uztaritzeko Kiroleta Pilotalekuan izango da saioa, arratsaldeko 17:30etan. Honako bertsolari hauek kantatuko dute:

 Xabi Paia
 Aitor Sarriegi
 Erika Lagoma
 Unai Muñoa
 Beñat Gaztelumendi
 Arkaitz Estiballes

 Gaiak Joana Itzainak jarriko ditu. Pilotalekuan 900 ikuslerentzat dago lekua.

 Igandean, berriz, Zarautzen izango da final-laurdena, Aritzbatalde kiroldegian, arratsaldeko 17:30etatik aurrera. Honako bertsolari hauek igoko dira oholtza gainera:

 Iratxe Ibarra
 Xabier Silveira
 Iker Zubeldia
 Unai Agirre
 Oihane Perea
 Joxe Munduate

 Saroi Jauregik aurkeztuko du saioa. Aretoan 1 100 bertsozalerentzat dago lekua.

 Sarrerak internet bidez egongo dira eskuragai, ostegun gauerdira arte. Horretarako, egin klik hemen. Bestalde, Uztaritze eta Zarauzko leihatilan ere erosi ahal izango dira.

• 
•