Nerea Ibarzabal Salegi - Elkarrizketa 2023-11-28
Nerea Ibarzabal Salegi (Markina-Xemein 1994) Bizkaiko Bertsolari Txapelketako bere laugarren finalera sailkatu da. Seigarren parte hartzea du 29 urterekin eta txapelari eusteko lehian izango da abenduaren 16an Miribillan. Azken bi urteetako txapelketen oihartzunak bere barrutik «erantzi barik» iritsi zaio aurtengo Bizkaikoa, baina, ekainean halakorik uste ez arren, oso gogotsu dago txapelketaren «adrenalinak» motibarazteko duen indarragatik-edo. Aitortu du txapelketako plazak, bere gogorrean, pareko gutxi duela ondo ateratzen denean.
Hiru urtean jarraian hiru txapelketa jokatzeak dakarren motibazio beharra lantzeko Bi haur Etxahunen hilobian kantuko doinua baliatu du Ibarzabalek eta hor egin zuen bakarkakoa Lemoan. «Hainbeste hunkitzen ninduen doinuak! Eta norbera ere hunkitzea beharrezkoa da gero hori transmititzekotan». Ez zekien aurrez beste inork bertsotan baliatua ote zen baina azken astea jakin du baietz, Maddi Ane Txoperenak birritan baliatua duela, agurrean zein bakarka.
Finalera begira, talde gisa, distira handiko final bat egiteko ahalegin kolektiboan sentitzen du bere ardura partea Ibarzabalek. Maila pertsonalagoan, duela bi urteko tenple eta «bertsoaldiz bertsoaldiko kontzentrazio ia exageratua» izan nahi lituzte bertsotan.
Bertsoa.eus-ek jaso ditu Lemoako saioko Ibarzabalen balorazioa eta finalera begirako gogoetak.
Gipuzkoako Bertsolari Txapelketa 2024 2024-09-06
Asier Azpirozí jarritako gaia 2024-09-03
Udako Ikastaroetako hitzaldiak sarean - Beñat Gaztelumendi Arandia 2024-09-02
Jone Uria Albizuri - Señora Sariketako Pameladuna 2024-06-14
Jon Agirresarobe Lopetegi 'Torrotxo' - Bertsolari Bertsozale podkasta 2024-05-17
Anonyme Popularren agurreko kontzertuak maiatzean eta ekainean 2024-04-18