Peru Abarrategi Sarrionaindia - elkarrizketa 2024-01-30

«Motibatuta nago Arabako Txapelketarako»

Peru Abarrategik Arabako Bertsolari Txapelketako finalaurrekoetan kantatzeko txartela eskuratu du Izarrako final laurdena irabazita. Txapelketako lehen saioek duten zalantza puntuarekin baina eroso sentitu zen Abarrategi bertsotan. Aretoa bete jende bildu zen eta berotasun hori ere motibagarri gertatu zitzaion. Zortziko handiko ofizioan ari zen gusturen.

Arabako Txapelketak motibatuta eta prestatuta harrapatu duela adierazi Aramaioko bertsolariak, bertso eskolako asteroko dinamikan murgilduta. Duela bi urte Arabako txapela irabazi zuen, Txapelketa Nagusian kantatu zuen ondoren eta hainbat plaza egin ditu Abarrategik. Esperientzia aberasgarritzat du ibili hau.

Final laurdenetako koxka gaindituta, finalaurrekoetan bere herrian kantatzea egokitu zaio Peru Abarrategiri. Lehen aldia du txapelketan bere herrian kantatzen duena. Saio eder bat egin eta finalera sailkatzea jarri ditu helburutzat.

Entzun elkarrizketa osoa audioan.