Aroa Arrizubieta Barredo - elkarrizketa 2024-02-07

«Mugimendu eta ideia oso ezberdinetako jendea gaude eta uste dut garrantzitsua dela oholtzan hori islatzea»

Aroa Arrizubieta Barredok(Gasteiz, 2001) badaki zer den Arabako Txapelketako finalean kantatzea eta norabide horretan eman du lehengo pausoa Oiongo final laurdena irabazita. 2019ko Arabakoan finalean kantatu zuen eta 2022koa ez zuen parte hartu kanpoan ikasten ari zelako. Gogotsu eta irabazle ekin dio aurtengoari.

Txapelketak berekin duen urduritasun puntuarekin baina Oionen gustura somatu zuen bere burua bertsotan Araba Errioxako plazan. Bertsoa.eus-ek jaso du saioko bere balorazioa eta aurtengo txapelketari nola heldu dion.