Bizkaiko bertso munduko emakumeen* lehenengo Topaketa
Berriro elkartzeko gogoz
Bizkaiko bertso munduko emakumeen* lehenengo Topaketa egin zen atzo Markina-Xemeinen, arrakasta handiz eta jarraipena emateko gogoz gelditu ziren. Bizenta Mogel bertsolari eta idazle aitzindariaren irudiaren aurrean atera zuten talde argazkia
Gaur Azpeitian, Sanagustin Kulturgunean
Sardiniako cantadoriak eta bertsolariak, doinu banatan baina neurri berean
Atzo jaialdi ederra eskaini zuten Usurbilen 'Improvisa una Antiga Poesia' ikuskizunaren baitan. Bertsozale Elkartearen eskutik etorri da emanaldia, Tra Parola e Musica - Casa di Suoni e Raccontik ekoitzita. Europan egingo duten biraren lehen geldialdia da. Gaur Azpeitian aukera, 22:00etan Sanagustin kulturgunean.
Paule Loizaga - Azegazte taldeko kidea
"Bertsoa gazteen espaziora hurbildu nahi izan dugu"
Larunbat honetan 'A ze gazte' sariketako bigarren edizioa jokatuko da Algortan, 2 urteko etenaren ondotik. Hiru kanporaketa tabernetan eta finala Azebarrin. 12 bertsolari kantuan. Paule Loizaga antolakuntzako kideak kontatu dizkigu xehetasunak.
Ane Labaka - Elkarrizketa
"Plazan oso gustura nabil eta Txapelketa hau izan da izena emateko zalantza gutxien izan dudana"
Ane Labakak Aixita gazte sariketa irabazi zuen larunbatean Irurtzunen. Bertsotan plazan gustura dabil eta Txapelketa Nagusirako hasi da prestaketa lanetan. 30 urteko langan harrapatuko du lehenengo aldiak eta "heldutasun puntu horretatik" nahi luke bertsotan egin eta txapelketa bizi.
Bertso jaialdia
San Prudentziotako jaialdia, Abadiñon
Matienako San Prudentzio jaietako bertso jaialdia ere normaltasunez ospatu da. Kantuan aritu dira Igor Elortza, Txaber Altube, Jone Uria eta Amets Arzallus. Gai-jartzaile lanak Igor Galarzak egin ditu. Entzun jaialdiako bertsoaldiak sareko plazan.
'Uztapide plazara' ekimena - kultur transmisioa
Uztapide gazteengana hurbiltzen, Zestoan
Pako Aristiren 'Nire Uztapide' biografia nobelatua berrargitaratu dute eta Zestoako nerabeei doan emango zaie; unitate didaktikoa ere egingo da ikastetxeetan lantzeko. Datorren astean 'Uztapide plazara' ekitaldi sorta, Zestoan. Tartean, txapeldunen saioa maiatzaren 22an. Ekimena kultur transmisioaren etenaren inguruko kezkatik dator.
Adin-Adin proiektuaren 7. edizioa abian
Bertsoak adinekoen bizigarri, Gipuzkoako 18 zahar etxetan
Bertsoak zaharren egoitzetara eramateko Adin-Adin programaren 7. edizioa jarriko da martxan ostiralean. Bertsoa buru osasuna eta alderdi emozionala indartzeko baliatzea da helburua. Gipuzkoako 18 egoitzetan egingo dira saioak, Gipuzkoako Foru Aldundiaren eta Lankuren arteko lankidetzan.
Berriak
Heriotza2022-05-22
Haizea Beruete bertsolari iruindarra zendu da
Bertsolaritzako hainbat esparrutan aritu zen Beruete. Nafarroako Txapelketan parte hartu zuen, banakakoan zein taldeka. Bertso eskolako irakasle, eta begirale bertso udalekuetan. 'Gure Aldetara' proiektuan parte hartu zuen.