Onintza Enbeita Maguregi eta Ainhoa Urien Telletxe - Bertsozale Elkarteko lehendakaritza taldeko kideak 2024-03-10

«Bertsozale Elkarteak markatuta duen norabidean gure ekarpena egiteko aukera moduan hartu dugu lehendakaritza ardura»

Bertsozale Elkarteak lehendakaritza Talde Lehendakaritza du 2018tik eta urteko Batzar Nagusiak talde berriaren osaketa onartu zuen atzo ahoz batez, Agurainen egindako Ohiko Batzarrean. Lauko taldea izango da: Onintza Enbeita, Ainhoa Urien, Sustrai Colina eta Xabi Igoak osatua. Xabi Igoa da aurreko taldetik jarraitzen duena: Ainhoa Urien, Onintza Enbeita eta Sustrai Colina, berriak. Erreleboa eman dutenak, Maialen Lujanbio, Beñat Gaztelumendi, Igor Elortza eta Miren Artetxe. Aurretik, Gontzal Agotek eman zuen erreleboa.

Bertsoa.eus-ek Ainhoa Urien eta Onintza Enbeita elkarrizketatu ditu taldeko bozeramaile gisa. Azpimarratu dute taldeak ilusioz eta arduraz hartu duela Lehendakaritza ardura Bertsozale Elkartearen proiektuan ekarpena egiteko. 40 urteotan egindako lana aitortu dute. Baita errelebo aldaketa prozesuan izan den gertutasun eta transmisio lana ere.

2018ko gogotaldiko oinarrien gainean ekarpena egiteko aukera gisa hartu dute ardura eta borondatezko laneren ekarpena indartzea dute helburuetako bat.