Aitzol Astigarraga eta Jon Abril - Adimen artifizialean adituak 2025-04-01

«Adimen artifizialak ez lioke txapeldunari bertsotan irabaziko»

Adimen artifiziala txoko guztietara sartzen ari da eta bertsotako gai bihurtu da azken bi urteotan. Mirari Martiarenak Jon Abril eta Aitzol Astigarraga elkarrizketatu ditu, gaian adituak eta bertso mundukoak biak, epaile lanetan urte askotan ibiliak, besteak beste. Elhuyar Fundazioko koordinatzaile da Jon Abril. Orai adimen artifizialeko guneko arduradun Aitzol Astigarraga.

Adimen artifiziala bertsolaritzako informazioaren antolaketarako eta gizarteratzeko bideak errazteko ikusten dute eta hor aukera ekar ditzakeela uste dute. Plazan, bertso saio baten eskeman, ez dute eragin arriskurik ikusten. Adimen artifiziala mekanikoki bertso bat egiteko gai izatera iritsi daitekeela uste arren, ez dute ikusten bertsoaren muina ordezka lezakeenik. Ezta txapeldunari bertsotan irabaziko liokeenik ere, Xakean bezala. Entzun elkarrizketa.