Aramaioko Iturrieta sagardotegian 2009-12-04

Gaur jokatuko da Bertxoko sariketako finala

  18 bertsolari gaztek parte hartu dute aurtengo Bertxoko sariketan. 3 kanporaketa jokatu ondoren, honako hauek sailkatu dira finalera:

 Ander Solozabal
 Jokin Labayen
 Mikel Artola
 Iñaki Viñaspre
 Jone Uria
 Enaitz Alustiza

 Gaur izango da finala, Aramaioko Iturrieta sagardotegian. Iluntzeko 20:30etan hasiko da saioa.

 Finalean Manex Agirre ariko da gai-jartzaile lanetan.

 Bertxoko sariketa 2007an sortu zen, Bagare sariaren ordez. Sariketa hark bezala, ariketa bereziak dauzka honako honek ere. Hasierako agurra puntuatu egiten da, eta bertsolariek kantu ezagun baten doinuan egin beharra daukate. Horrez gain, finalean, bakarkako lanean, bideo bati kantatu beharko diote.

 Sariketaren helburua honakoa da: Araba eta beste herrialdeetako 25 urte bitarteko gazteei aukera eta esperientzia ematea. Arabako Bertsozale Elkarteak eta Hala Bedi Irratiak antolatzen dute.

• 
•