Gipuzkoako Bertso Eskolen Eguna 2010-04-26

400 ikasletik gora elkartu ziren

 400 ikasletik gora elkartu ziren atzo Eibarren, Gipuzkoako Bertso Eskolen Eguna ospatzeko. Aurtengoa seigarren edizioa izan da, eta goizean goizetik izan zen gozatzeko parada. Hala, bazkaldu aurretik taldeka kamisetak egiten aritu ziren, besteak beste. Bazkalostean zezenekin gozatzeko parada izan zuten gazteek, eta baten batek azaldu zuen bere abilezia ere.

 Egunari bukaera emateko, "Bertsoun Sistem" ikuskizuna izan zen Coliseoan. Diziplina ezberdinak uztartu zituzten ia ordu t`erdi iraun zuen emanaldian: bertsolaritza, Hip Hopa eta Breakdance-a. Bertsotan Xabier Silveira eta Iñaki Viñaspre aritu ziren, eta Hip Hopean, berriz, Endika eta Maixa. Haritz Sound Sistem aritu zen musika jartzen.

 Beharbada ekitaldiko unerik ederrena bukaeran iritsiko zen, bertsolariak eta MCak batera inprobisatzen hasi zirenean. Iñaki Viñaspre rapeatzen ere ausartu zen. Bertsoa.com-ek zuzenean eskeini zuen emanaldia.

• 
•