Bederatzikoa Endika Igartzabalek osatuko du 2010-06-05

Lasarte eta Donostiako saioak eskainiko ditu Hitza Jolasek

 Asteburu honetan ere Hitza Jolas programa emango du Euskadi Irratiak. Larunbat eta igande eguerdian egongo da entzungai, eguerdiko 14etatik 15etara bitartean.

 Aste honetan bi saio botako ditu programak. Alde batetik, Lasarten orain dela aste batzuk egindako jaialdi bereziko bertsoaldi onenak eskainiko dituzte. Bertsoa eta dantza uztartu zituten bertan. Bertsotan honako hauek jardun ziren:

 Xabi Paia
 Andoni Egaña
 Unai Muñoa
 Ane Labaka

 Bestalde, Donostiako Kafe Antzokian joan zen astean egindako saio batetik bertsoaldiren bat aterako dute. Bertso-saio musikatua izan zen, Iker Iriartek aurkeztuta. Bertsotan, berriz, honako hauek aritu ziren:

 Jokin Labayen
 Beñat Gaztelumendi
 Iñaki Gurrutxaga
 Aitzol Barandiaran

 Beste atal batzuk ere izango ditu programak. Hala, aste honetako bederatzikoa Endika Igartzabalek kantatuko du. Alegiako "Zazpi Astoren Gainean" elkarteak disko bat atera berri du: Hustukoixkiu. Horri buruz ere ariko dira aste honetan. Azkenik, Lazkao Txikik eta Mitxelenak egindako saio bat ere aterako dute.

• 
•