Gasteizko jaialdia 2010-10-19

Publiko artetik aritu ziren Maialen eta Oihane

Entzuleen artean eseri eta oholtza gainean zeudenei kantari aritu ziren. Saio umoretsu eta dotorea osatu zuten.

Jaialdietan bertsolariak oholtzan eta entzuleak behean egoten dira normalean. Hala ere, ordena apurtzeko ariketa bat baino gehiago egiten saiatu izan dira gai-jartzaileak. Gasteizko txapeldunen saioan publiko artera jaitsiarazi zituen Idoia Beitiak Maialen Lujanbio eta Oihane Perea, handik zer antzematen zen azal zezaten. Oholtzan geratu ziren kideei begira saio umoretsua osatu zuten.