Bilbon, Narbarten eta Zumaian 2011-08-23

Saio bat baino gehiago izango da gaur

 Abuztua izaki bertso-saio bat baino gehiago izango da gaur Euskal Herrian. Bilbon, Aste Nagusian murgilduta dabiltzan honetan, lau saio behintzat badira egitekoak. Gazte Egunaren barruan, esaterako, Bertso-Reggae-Rap emanaldia egingo dute.

 Eguerdian bi saio izango dira Bizkaiko hiriburuan. Kafe Antzokian Jon Maia eta Unai Iturriagak kantatuko dute 13etan. Ordu berean izango da Santutxuko Bertso-Eskolak egunero Santiago plazan antolatzen duen saioa. Gaur Beñat Ugartetxea, Odei Barroso, Pello Ormazabal eta Eneko Abasolo "Abarkas" dira kantatzekoak.

 Arratsaldean, berriz, Mamiki konpartsaren txosnan izango da saioa 18:30etan. Izar Mendiguren, Iratxe Ibarra eta Onintza Enbeita ariko dira bertsotan.

 Dena den, Bilbotik kanpo ere saioak izango dira gaur. Hala, Narbarten, herriko jaietako Zikiro janaren ondoren bertsolariek kantatuko dute. Julen Zelaieta, Manolo Arozena eta Bittor Elizagoien jardungo dira. Bazkaria eguerdiko 14etan da hastekoa.

 Azkenik, Zumaian, San Bartolomeen barruan, bertso-afaria egingo da Muniosoron iluntzeko 21etatik aurrera. Jon Maia eta Andoni Egaña ariko dira bertsotan.

• 
•