Nicolas Zendoiaren eskutik jaso zuen txapela 2012-09-10

Aritz Casabalek irabazi du Lizardi

Aritz Casabal pasaitarrak irabazi du Lizardi saria, Unai Gaztelumendi añorgarraren aurretik. Txapela ez ezik, bertso onenaren saria ere eraman zuen Casabalek.Zinema frontoia bete egin zen finala jarraitzeko. Txapela Nicolas Zendoiak jarri zion Casabali. Zendoia bertsolaria da eta urteetan parte hartu du Lizardiko antolakuntzako lan desberdinetan.

Casabal, Gaztelumendi, Iguaran, Goiogana, Aizpurua eta Urbieta aritu ziren kantari, Felix Zubia gai-emale zuzela. Saio polita joan zen eta oso ale ederrak ere izan zituen, batez ere puntu erantzunenean eta hamarreko txikian.

Basarri sariari dagokionez, sari banaketa ekitaldia egin zen. Ane Labakarentzat izan zen lehena, Zu lanagatik eta Aitor Albisturrentzat bigarrena, Abuelita sortagatik.

• 
•