Xilaba 2012-10-18

Larunbatean hasiko dira finalaurrekoak

 Ziztu bizian doa Xiberoa, Lapurdi eta Baxe Nafarroako Bertsolari Txapelketa. Bi final-laurdenen ondoren, finalerdietara iritsi da dagoeneko. Asteburu honetan hasiko da bigarren fasea, eta hilaren 27an jakingo dugu ze sei bertsolari sailkatu diren finalerako.

 Larunbat honetan Hendaiako Variétés Zineman jokatuko da lehenengo finalaurrekoa. Arratsaldeko 17etan hasita, honako bertsolari hauek ariko dira oholtza gainean:

 Amets Arzallus
 Eneritz Zabaleta
 Maindi Murua
 Xumai Murua
 Ortzi Idoate
 Gillen Hiribarren

 Bigarren finalaurrekoa, berriz, hilaren 27an izango da, Donibane-Garaziko Vauban Zineman, ordu berean. Honako bertsolari hauek lortu dute bertan aritzeko txartela:

 Odei Barroso
 Sustrai Colina
 Maddi Ane Txoperena
 Maddi Sarasua
 Egoitz Zelaia
 Ramuntxo Christy

 Finala, berriz, azaroaren 10ean jokatuko da, larunbatez. Aurten Bertsularien Lagunak Elkarteak apustu handia egin du, finala Baionan jokatuko baita, Lauga gelan. Arratsaldeko 17:30etan hasiko da. Sarrerak eskuragai daude jada bertsosarrerak.eu web orrian.

 Informazio gehiago dago www.xilaba.net atarian.

• 
•