Asteburuko agenda 2013-08-02

Dozena bat saiotik gora asteburuan

 Ari dira bertso-saioak ugaritzen bazterretan. Asteburu honetan dozena bat bertso-ekitalditik gora daude iragarrita. Gaur Altzon urteroko saioak izango da gaueko 22:30etan frontoian. Jexux Mari Irazu, Unai Muñoa, Maialen Lujanbio, Amets Arzallus eta Andoni Egaña jardungo dira bertsotan.

 Aramaion, Ulibarriko jaietan, bertso-afaria egingo dute elkartean iluntzeko 20:30etan. Igor Elortza eta Iker Zubeldia dira bertan kantatzekoak.

 Elgoibarko Sallobente auzoan ere bertso-afaria izango da Uxue Alberdi eta Anjel Mari Peñagarikanorekin.

 
 Bihar oraindik agenda oparoagoa dago. Getxon bertso-poteoa egingo dute iluntzeko 19etan Santa Eugenia plazatik abiatuta. Jone Uria eta Gorka Ostolaza "Potxis" ariko dira kantuan.

 Beran eguerdiko 12etan egingo dute saioa Maialen Lujanbiok eta Amets Arzallusek plazan.

 Gasteizen eguerdiko 13etan izango da saioa Txozna gunean. Uxue Alberdi, Xabier Silveira, Unai Iturriaga eta Iker Zubeldia dira kantatzekoak. Julen Zulaika izango dute gai-jartzaile.

 Abadiñon Salbatore jaietako saioa izango da gaueko 22:30etan. Igor Elortza, Maialen Lujanbio, Unai Iturriaga eta Andoni Egaña jardungo dira bertsotan Maite Berriozabal gai-jartzaile dutela.

 Markiña-Xemeinen bertso-bazkaria egingo dute Julio Sotok eta Gregorio Larrañaga "Mañukorta"-k 14etan.

 Usurbilgo San Esteban auzoan bertso-jaialdia izango da 22etan. Uxue Alberdi, Beñat Gaztelumendi eta Amets Arzallus ariko dira kantuan.


 Iganderako ere saio bat baino gehiago dago iragarrita. Elorrion plaza libreko saioa egingo dute iluntzeko 21etan Zenita auzoan, Argiñetan. Etxahun Lekue eta Arkaitz Estiballes dira kantatzekoak.

 Oiartzunen jaietan urteroko libreko saioa izango da eguerdiko 14:45etan Doneztebe plazan Sebastian Lizaso eta Beñat Gaztelumendirekin.

 Larraulen ere jaietako urteroko saioa egingo dute arratsaldeko 18etan plazan. Maialen Lujanbio, Uxue Alberdi, Amets Arzallus eta Iker Zubeldiak kantatuko dute.

 Bukatzeko, Oiartzunen bertso-saio musikatua antolatu dute Herrira gunean. Jone Uria, Amaia Agirre, Arkaitz Oiartzabal "Xamoa" eta Onintza Enbeitak kantatuko dute eguerdiko 14etatik aurrera Alaia Martin gai-jartzaile dutela.

• 
•