Easo plazako jaialdiak 2013-08-20

Bertsozaleen topagunea Donostian

Aste Nagusiaren baitan, bertso-saioak izan ziren astelehenean, asteazkenean eta ostiralean Easo plazan. Asteazkenean Maialen Lujanbio, Unai Gaztelumendi, Alaia Martin eta Jon Maia aritu ziren kantuan Josu Goikoetxearen esanetara. Hemen aukeraketa.

Donostiako Aste Nagusian bertsoak badu lekurik. Orain dela urte batzuetatik hona, Easo plaza da bertsozaleen topaleku. Astelehenean, asteazkenean eta ostiralean bertso-jaialdiak egin dira aurten, eguerdiz, eta publikoak ederki erantzun du. Asteazkenean bertan izan ziren Bertsoa.com-eko kamerak. Eguzkiak gogor jotzen zuenez, entzuleek plaza ertzeko itzalpeetan bilatu behar izan zuten aterpea, baina ederki txalotu zituzten bertsolarien alerik onenak. Honako laukote hau atera zen oholtzara:

Maialen Lujanbio
Unai Gaztelumendi
Alaia Martin
Jon Maia

Josu Goikoetxea izan zuten gai-jartzaile. Saioa umoretik joan zen, eta bertsoaldi ederrak entzuteko aukera izan zen. Hona hemen aukeraketa.