12. edizioa izango da 2014-05-08

32 bertsolari ariko dira aurten Plazatik Gaztetxera Txapelketan

 Aurten ere Plazatik Gaztetxera Txapelketa antolatu dute hainbat Gaztetxek. Pixkanaka-pixkanaka pisua hartzen ari den txapelketa 12. ediziora iritsi da. Aurtengoan 32 bertsolarik hartuko dute parte, maiatzaren 9tik 31ra bitartean. Denera zazpi saio jokatuko dira: lau kanporaketa, bi finalerdi eta finala. Lehenengo fasean kanporaketa bakoitzean lau bikote ariko dira kantuan, eta kanporaketa bakoitzeko bat sailkatuko da bigarren fasera. Gainerako lau bikoteak puntuazioaren arabera sailkatuko dira.

 Bigarren fasean, beraz, zortzi bikote ariko dira kantuan, lau bikote saio bakoitzeko alegia. Saio bakoitzetik bikote bat zuzenean sailkatuko da finalera, eta azken saio horretan ariko diren beste bi bikoteak puntuazioaren arabera sailkatuko dira.

 Saio guztiak gaueko 22:30etan hasiko dira eta aurretik gaztetxean bertan afaltzeko aukera izango da. Honako hau da egutegia:

 KANPORAKETAK. Afaria 20:30ean, saioa 22:30ean:
 -MAIATZAREN 9an, ANTZUOLAN:
   Aitzol Iturbe-Endika Igartzabal
   Eneko Beretxinaga-Txaber
   Asier Azpiroz-Adur Gorostidi
   Amaia Urbieta-Aitor Urbieta

 -MAIATZAREN 10ean, MUTRIKUN:
   Imanol Lekunberri-Beñat Iguaran
   Malen Amenabar-Eneko Arrate
   Maddi Gallastegi-Aitor Salegi
   Mikel Artola-Haritz Mujika

 -MAIATZAREN 16an, EIBARREN:
   Aimar Goenaga-Ion Mikel Mujika
   Jokin Bergara-Manu Goiogana
   Josu Oiartzabal "Xenpelar"-Gurrutxaga
   Eneritz Artetxe-Eneritz Arzallus

 -MAIATZAREN 17an, DEBAN:
   Maddi Sarasua-Manex Astigarraga
   Ander Zulaika-Josune Arakistain
   Saioa Alkaiza-Irati Majuelo
   Amaia Iturriotz-Mikel Iturriotz


 FINALAURREKOAK. Afaria 20:30ean, saioa 22:30ean
 -MAIATZAREN 23an, MARKINA-XEMEINEN:
   Antzuola eta Eibarko saioetako irabazleak eta lehenengo eta laugarrena puntuazioz

 -MAIATZAREN 24an, ELGOIBARREN:
   Mutriku eta Debako saioetako irabazleak eta bigarrena eta hirugarrena puntuazioz


 Finala maiatzaren 31n jokatuko da, Soraluzen. Eguerdiko 14etan izango da bazkaria eta bazkalostean egingo da saioa.

• 
•