Proiektua dagoeneko martxan da 2009-04-30

Hernaniko bertsolaritzaren historia liburu, DVD eta komiki formatoan

Hernaniko Bertso Eskola herriko bertsolaritzaren historia biltzeko lanetan ari da. Bertso Eskolak urte eta erditik gora darama proiektua lantzen eta helburua da bertsolaritzaren historia hiru formatotan argitaratzea: liburu formatoan, DVDan eta komikian, umeei begira. Hernaniko Bertso Eskolak iaz egin zituen 25 urte, eta data horren bueltan sortu zen herriko historia biltzeko grina. Proiektua lehenengo fasean dago eta orain herriko bertsolari eta bertsolaritza eragileei elkarrizketak egiten ari dira, 20-30 egitea aurrikusten dute denera. Testigantza horiek oinarri hartuta egingo dute DVDa, datorren abenduan Bertsolatan aurkezteko asmoa dute. Elkarrizketak egiten Unai Agirre eta Jexux Mari Irazu ari dira. Proiektuaren bigarren fasea liburua izango da eta Estitxu Eizagirrek egingo du eta 2010ean argitaratuta egotea nahi dute. Hirugarren produktua Hernaniko bertsolaritza komiki formatuan izango da, batez ere umeei eta ikastetxeei begira egingo dena. Hernaniko Bertsolaritzaren Historia proiektuak Hernaniko Udalaren laguntza jaso du.

Hernaniko Bertso Eskolari buruzko informazio gehiago

http://www.argia.com/bertso-eskolak/herriak/hernani

• 
•