Asteburuko agenda 2014-08-22

Zortzi saio izango dira asteburuan

 Abuztuko azkenaurreko asteburuan izango da bertsoez non gozatua. Gaur bertan bi saio daude iragarrita. Ezkio Itsason, Itsasoko plazako karpan bertso-afaria egingo dute iluntzeko 21:00etan Nerea Elustondo eta Anjel Mari Peñagarikanorekin.

 Bilbon, berriz, egunero bezala saioa izango da Santiago Plazan eguerdiko 13:00etan. Gaurkoan librean ariko dira Amets Arzallus eta Maialen Lujanbio.

 Bihar ere Bilbon saioa izango da, ordu berean, Santiago Plazan. Miren Amuriza, Igor Elortza, Beñat Gaztelumendi eta Unai Iturriaga dira bertan kantatzekoak.

 Arrasaten, berriz, Uribarri auzoan izango da saioa, jaietan. Amets Arzallus, Andoni Egaña, Sebastian Lizaso eta Maialen Lujanbio jardungo dira bertsotan Jokin Labayen gai-jartzaile dutela.

 Bukatzeko, iganderako beste lau saio daude iragarrita. Bilbon jaietako azkeneko saioa egingo dute Santiago Plazan. Onintza Enbeita, Jon Maia, Aitor Mendiluze eta Aitor Sarriegi dira bertan bertsotan aritzekoak.

 Ibarran San Bartolome jaietako bertso-saioa izango da Sustrai Colina, Jon Maia, Alaia Martin eta Anjel Mari Peñagarikanorekin.

 Gorritin ere jaietako saioa egingo dute frontoian, arratsaldeko 18:30ean. Amets Arzallus, Andoni Egaña eta Maialen Lujanbio izango dira bertan.

 Azkenik, Amezketan ere bertso-jaialdia izango da gaueko 22:30ean. Bixente Gorostidi, Agin Laburu, Unai Muñoa, Anjel Mari Peñagarikano eta Julio Soto ariko dira kantuan, Amaia Agirre gai-jartzaile dutela.

• 
•