Arrate Illaro eta Itsaso Paiaren elkarrizketa Bizkaien 2009-04-24

"Saioaren ostean, baten bat hurreratu eta ondo aritu nazela esatea da jaso neikean saririk onena"

 Bihar jokatuko da Hernandorena sariketako finala, eta bertan ariko dira kantuan Itsaso Paia eta Arrate Illaro. Hori dela eta, Gorka Intxaurbek elkarrizketa bat egin die Bizkaien. Arrate Illarok helburu bat omen dauka biharko: "saioaren ostean, baten bat hurreratu eta ondo aritu nazela esatea da jaso neikean saririk onena". Itsaso Paiak ez omen du prestaketa berezirik egin: "hilabeteak daroadaz bertso-eskolara joan barik, Hitzetik Hortzera ikusi barik... Bertso-desintoxikazino apur bat eta antzerkia nire lagun minak izan dira".

 Nahikoa gazte sariketa antolatzen ote diren galdetuta, hauxe dio Arratek: "uste dot sariketa nahiko dagozala, arazoa da betikoak kantetan badabe, besteek ez dabela inoz parte hartzeko aukerarik izaten". Itsaso Paiaren iritziz "edonork ez, baina Eskolarteko Txapelketetan zeresana izan dabenek" izaten dute sariketetan kantatzeko aukera.

• 
•