Ostiral honetan jokatuko da Zarautzen 2014-09-02

Lizardi Sariko finalistak erabakita daude

 Zarauzko Bertso-Eskolak hogeita hemezortzigarrenez antolatu du aurtengoan Lizardi Saria. Aurtengoan hamasei bertsolari aritu dira kantuan. Ostiral honetan jokatuko da finala, Zarauzko Modelo Aretoan, gaueko 22:00etan. Honako seikote hau aterako da oholtzara:

 Arnaitz Lasarte
 Ane Labaka
 Amaia Iturriotz
 Imanol Irazustabarrena
 Aratz Igartzabal
 Jon Gurrutxaga

 Joan zen ostegun eta ostiralean jokatu ziren kanporaketak, Urpekoak elkartean. Lehendabizikoan Eneritz Artetxe, Jokin Bergara, Aitor Bizkarra, Hodei Iruretagoiena, Arnaitz Lasarte, Haritz Mujika, Aitor Salegi eta Gemma Urteaga aritu ziren. Bigarrenean, berriz, Jon Gurrutxaga, Aratz Igartzabal, Oihana Iguaran, Aitor Irastorza, Imanol Irazustabarrena, Amaia Iturriotz, Ane Labaka eta Amaia Urbieta izan ziren protagonista.

 Antolatzaileen esanetan, bi kanporaketetan giro ona izan zuten eta jendea hurbildu zen, ostiraleko kanporaketara bereziki.

• 
•