Ostiralean banatuko dira sariak 2014-09-03

Alaitz Sarasolak irabazi du Basarri Bertsopaper Lehiaketa

 Alaitz Sarasola ordiziarrak irabazi du aurtengo Basarri Bertsopaper Lehiaketa, "Belarritakoak" lanarekin. Lehenago ere saritua izan da sariketa honetan, 2004an bigarren egin baitzuen.

 Aurtengoan bigarren saria Aitor Albisturrentzat izan da, "Terrazako kafea" sortarengatik. Oreretarrak ere sari ugari jaso izan ditu bertsopaperetan, Basarri saria ere bai tartean, eta Argia astekarirako ere sorta ugari idatzi izan ditu.

 Sari-banaketa ostiral honetan egingo da, Zarautzen. Gaueko 22:00etan Lizardi Sariko finala hasiko da Modelo Aretoan, eta ekitaldi berean banatuko dira Basarri Bertsopaper Lehiaketako sariak ere. 

• 
•