Aitor Sarriegi 2014-10-21

Aitor Sarriegi: "Alde handia dago ikasitako doinu bat kantatu edo bapatean sortzen ari zarela"

Aitor Furundarenak proposatu zion Xabier Leteren kantu baten moldaketa Aitor Sarriegiri. Aspalditik pentsatzen zuen honek “Lore bat zauri bat” kantuak balio zezakeela bertsotarako, baina ez zion soluziorik aurkitzen.

Furundarenak 10/ 8ko erritmoan hamaseiko handia moldatu zuen, eta Aitorrek Oiartzungo finalerdietan plazaratu. Handik, “Lanean hasi eta etxe bat” izena hartu du doinu berriak. Halere, Sarriegik ez zuela doinua behar bezala kantatu pentsatzen du “Momentu ona zen, gaia egokia, baina kantatzen gehiago gozatu behar nuen” dio beasaindarrak.

Igor Elortza eta Amets Arzallusekin ere hitz egin dugu bertsotarako doinu berriei buruz.

• 
•